I have arrived from Singapore. He was brain dead they said. But was he really?

Several hours after I have arrived and spent time with him. Hours after I have let him know I was there, his pulse started to weaken. Was he waiting for me?

My father has battled diabetes for more than twenty years. We were expecting this. My mother’s life has been dedicated to keeping my father alive. Was she saddened by his death or was she relieved? I choose to believe she felt both.

Una sa tanan magpasalamat kami nga hapsay ra ang pag abot sa tukmang panahon sa imong katapusang pulso. Dili gyud angay nga ihatag sa imong pamilya ang desisyon sa pag undang sa imong gininhawa. Pa karon nga ikaw mipahulay na, hinaot nga kung asa ka man karon, imo na nakita imong mga gwapong apo. Kai kahibalo ko, sukod sa ilong ra gyud imong na sinati kanila. Unta mahibaw ka nga ang maguwang kai wa maliwat sa atong trademark, pero ang manghud huwaton pa ug susihon pa ni puhon. Pa, kami nagpasalamat kai sa imong pag labang niining kinabuhi-a nakahibaw kami nga ni undang na sab ang imong pag antos. Salamat pud kai sa pipila ka dekada nga si mama nag pas-an pud niini, siya karon makapanghupaw na ug maka pahayahay na nga walay huna-hunaon. Pasaylo-a ako nga wala nako mahatag ang akong saad nga tabang sa pag dungog, pero sa atong panag pulong, ako naningkamot nga mapakita nimo ang kalibutan pinaagi sa akong mga pulong.

Tingali ang mahinumduman sa mga tawo kai ang mga dautan buhat pero ako nga imong anak, magpamatood nga ikaw kai ‘misunderstood’ lang. Mauwawon man ka nga tawo nga dili ganahan mo atubang ug dili nimo kaila, ug mao nga kinahanglan kag ilimnong makahubog para dili na ka mag duha-duha ug pakig bisog bisan kinsa; bisag koral imo nang banggaan. Pa, sa akong linghod nga pag edaron kaniadto, makahinumdum ko nga ikaw ang nag tudlo nako sa pangadyi nga amahan namo in english. Ikaw ang nagpa ila-ila kanako sa sen hiap hing kung asa hangtod karon ako mo agi gyud kung dunay higayon ug ako napud nadala ang imong apo didto. Imong paborito nga isda kai Goldfish nga imo gyud gi hilakan kai gi yabo ni lolo Pedring imong kaang. Maka ingon ko nga liwat gyud imong apo nimo nga himi kaayo, mihilak dayon kini sa pagkahibaw nga namatay iyang isda. Kami ra gyud nakahibaw nga himi kaayo ka, mao nang mag likay-likay jud ka ug tanaw ug maala-ala mo kaya. Kahibaw ko nga sa akong pagka tawo, imo dayon ko gi pagunit ug bola sa basket bisag dili pa ko ka praktis ug dribble. Ako karon nga nanarbaho na, maka bati jud kog kakapoy bisan ug duha or tulo ka adlaw ra akong trabaho derecho, pero ikaw kani-adto kai pito ka adlaw nga trabaho imong gi atubang, pero wala ko kadungog ug reklamo nga gi kapoy ka.

Pa, unta nagkita na mo ni manoy Joseph Rey. Dili masukod ang imong kagu-ol niadtong pagkahitabo-a, hina-ot nga ang inyong panag uban makahatag kanimo ug dakong ka sadya.

Pa, karon ako wala nay kadangpan ug ka istorya mahitungod sa basketball ug boksing. Ang akong team murag dako na ug purohan nga mo daog, nakuha nila si Pau Gasol. Pero kahibaw na siguro ka ani. Si Pacquiao nga atong gi subay sukad kaniadtong naa pa siya sa channel 9 mo away napud sa dili madugay. Pa, kai dili na man tika ma kontak sa skype, hinaot sa akong damgo nalang.

Gi mingaw na mi nimo pa. Ayo ayo diha.